امریکہ نے فلسطین کی اقوام متحدہ کی رکنیت کو ویٹو کردیا،فلسطینی نمائندے رو پڑے

غزہ میں انسانی بحران پر بڑھتی ہوئی بین الاقوامی پریشانی کے باوجود امریکہ نے جمعرات کے روز اقوام متحدہ کی مکمل رکنیت کے لیے فلسطینیوں کی طویل جدوجہد کو ختم کردیا اور سلامتی کونسل کی رکنیت کو ویٹو کردیا ہے ۔اسرائیل کے کلیدی اتحادی کا اقدام ووٹنگ سے پہلے متوقع تھا۔12 ممالک نے قرارداد کے مسودے کے حق میں ووٹ دیا جس میں فلسطین کو مکمل رکنیت دینے کی سفارش کی گئی تھی۔ برطانیہ اور سوئٹزرلینڈ نے حصہ نہیں لیا۔فلسطینی رہنما محمود عباس کے دفتر سے جاری ہونے والے بیان میں کہا گیا کہ امریکہ نے ویٹو کرکے جارحیت کی ہے ۔امریکہ کا یہ اقدام خطے کو مزید تباہی  کے دہانے پر لاتا ہے ۔اقوام متحدہ میں فلسطین کے نمائندے رو پڑے۔اقوام متحدہ میں فلسطینی سفیر ریاض منصور نے روتے ہوئے کہا کہ "حقیقت یہ ہے کہ یہ قرار داد منظور نہ ہونے سے ہماری عہد نہیں ٹوٹے گا اور یہ ہمارے عزم کو شکست نہیں دے گی۔””ہم اپنی کوششوں سے باز نہیں آئیں گے۔ فلسطین کی ریاست ناگزیر ہےاور یہ حقیقیت ہے۔انہوں نے کہا ایک بار جب یہ سیشن ملتوی ہو جاتا ہے، فلسطین میں انصاف، آزادی اور امن میں تاخیر کی قیمت بے گناہ اپنی جانوں کے ساتھ ادا کر رہے ہیں،” انہوں نے مزید کہا، جیسا کہ کمرے میں موجود دوسرے لوگ بھی رو رہے تھے۔