نیویارک(ویب ڈیسک) نیویارک سٹی کے میئر ایرک ایڈمز نے کہا ہے کہ شہر کو 7 بلین ڈالر کا نقصان اٹھانا پڑا لیکن موجودہ انتظامیہ اپنی حکمت عملی سے شہر کو بہتر سے بہتر بنانے میں مصروف عمل ہے۔
ایرک ایڈمز کے مطابق اس سال کے پہلے تین ماہ میں فائرنگ کے واقعات کی کم ترین تعداد ریکارڈ کی گئی، جس کا کریڈٹ پولیس اور دیگر ایجنسیوں کی محنت کو دیا۔ساتھ ہی 21,000 اسلحہ جات سڑکوں سے ہٹائے گئے، جن میں 57 گوسٹ گن بھی شامل تھے۔ ایڈمز نے مزید کہا کہ ان کی انتظامیہ نے عوامی تحفظ کے حوالے سے ایک مؤثر حکمت عملی اپنائی ہے، جس میں ذہنی صحت کے مسائل سے نمٹنے اور غیر قانونی گاڑیوں کو ہٹانا شامل ہے۔ انہوں نے ایک نیا ریٹیل تھیفٹ ٹاسک فورس تشکیل دینے کا بھی اعلان کیا، جس کی وجہ سے چوری میں 8 فیصد کمی آئی ہے۔ ساتھ ہی شہر میں رہائشی فلاح و بہبود کے پروگرامز اور چھوٹے کاروباروں کے لیے بھی اقدامات کئے گئے ہیں۔ میئر ایڈمز نے سابقہ انتظامیہ پر تنقید کرتے ہوئے کہا کہ ان کے دور میں شہر کو 7 بلین ڈالر کا نقصان اٹھانا پڑا تھا۔ انہوں نے اس بات پر زور دیا کہ ان کی انتظامیہ نے اس بحران کے دوران درست حکمت عملی اپنائی ہے اور وہ موجودہ انتظامیہ کے تحت 200 ملین ڈالر کی واپسی روکنے کے لیے بھی کام کر رہے ہیں۔ ایڈمز نے مزید کہا کہ وہ ماضی کی غلطیوں پر سوال اٹھاتے ہیں اور آئندہ انتخابی مقابلے میں اپنی کامیاب حکمت عملی کی بنیاد پر اپنے ریکارڈ کو پیش کریں گے۔