نیو یارک کے میئر زوہران کوآمے ممدانی نے جسٹن اولڈرمین کو کرمنل جسٹس کوآرڈینیٹر مقرر کرنے کا اعلان کیا ہے۔
جسٹن اولڈرمین اس سے قبل نیو یارک یونیورسٹی اسکول آف لا میں ڈسٹیگنشڈ اسکالر ان ریزیڈنس کے طور پر خدمات انجام دے رہی تھیں جبکہ 23 سال تک دی برونکس ڈیفنڈرز سے وابستہ رہیں، جہاں وہ چھ سال تک ایگزیکٹو ڈائریکٹر بھی رہیں۔میئر آفس کے مطابق جسٹن اولڈرمین کو میئر آفس آف کرمنل جسٹس کی روزمرہ کارکردگی اور اصلاحاتی اقدامات کی نگرانی کی ذمہ داری دی گئی ہے۔ وہ شہر میں مجرمانہ انصاف کے نظام میں بہتری، قید کی شرح میں کمی اور کمیونٹی سیفٹی کے فروغ کے لیے مختلف اداروں کے ساتھ مل کر کام کریں گی۔ میئر ممدانی نے کہا کہ اولڈرمین کا طویل تجربہ اور عوامی خدمت کے لیے وابستگی انہیں اس اہم ذمہ داری کے لیے بہترین انتخاب بناتی ہے۔ ان کے مطابق نئی تقرری سے نیو یارک میں انصاف اور عوامی تحفظ کے نظام کو مزید مؤثر بنایا جائے گا۔ اولڈرمین نے اپنے بیان میں کہا کہ وہ ایسے نظام کے لیے کام کرنا چاہتی ہیں جو انصاف، شفافیت اور کمیونٹی سیفٹی کو ایک ساتھ فروغ دے۔ ان کے مطابق مختلف اداروں کے درمیان تعاون کے بغیر پائیدار اصلاحات ممکن نہیں۔