اسرائیلی فوج نے غزہ شہر کے شفاہ اسپتال پر ایک اور حملہ کیا ہے۔اسرائیل نے دعویٰ کیا کہ حماس کے عسکریت پسند طبی سہولت کو ایک اڈے کے طور پر استعمال کر رہے ہیں، حالانکہ یہ الزام متنازعہ ہے اور اسرائیل نے اس سے قبل اس طرح کے دعووں کے ثبوت فراہم نہیں کیے تھے۔اسرائیل کی فوج کے چیف فوجی ترجمان ریئر ایڈمرل ڈینیئل ہگاری نے کہا کہ فوج نے میڈیکل کمپلیکس کے کچھ حصوں میں "اعلیٰ درستگی کا آپریشن” شروع کیا ہے۔انہوں نے کہا کہ حماس کے سینئر عسکریت پسند وہاں دوبارہ منظم ہو گئے ہیں اور بغیر ثبوت فراہم کیے کمپاؤنڈ سے حملوں کی ہدایت کر رہے ہیں۔غزہ کی وزارت صحت کا کہنا ہے کہ اسرائیلی فورسز نے پیر کی صبح ہسپتال پر حملہ کیا جس میں خصوصی سرجری کے لیے استعمال ہونے والی عمارت پر بندوق اور میزائل فائر کیے گئے۔ جس کے بعد ہسپتال کے گیٹ سمیت دیگر حصوں پر آگ لگ گئی ۔
