شاہ سلمان بن عبد العزیز کی سربراہی میں ہونے والے کابینہ کے اجلاس میں اندرونی محکموں کو منظم کرنے کے لیے قومی فریم ورک اور ریلوے سسٹم کے ضوابط کی منظوری دے دی گئی، کابینہ میں فلسطین اور خاص کر غزہ پٹی اور اس کے گرد ونواح کی تازہ ترین صورتحال کا بھی جائزہ لیا گیا۔اجلاس میں معذور افراد کے لیے غیرسرکاری اداروں میں فراہم کی جانے والی سہولتوں کے ضوابط مقرر کرنے جبکہ مخصوص افراد کے لیے پیشہ ورانہ پروگرام کے ضوابط مرتب کرنے کی بھی منظوری دی گئی کابینہ اجلاس کے آغاز میں شاہ سلمان کو جمہوریہ تاجکستان کے صدر کی جانب سے موصول ہونے والے پیغام کے علاوہ ولی عہد مملکت اور وزیراعظم سے یوکرین صدر اور رشین فیڈریشن کے وفد کی ملاقات کے حوالے سے ہونے والی صورتحال پر بھی کابینہ کو آگاہ کیا گیا سعودی وزیر اطلاعات سلمان الدوسری نے اجلاس کے بعد بتایا کہ کابینہ کو برازیل میں ہونے والے جی 20 وزرائے خارجہ کے اجلاس سے بھی آگاہ کیا گیا وزراء کونسل نے سعودی آئل کمپنی آرامکو کو گیس کے ذخائر میں اضافے کے حوالے سے ملنے والی کامیابیوں کو خوش آئند قرار دیا کابینہ نے عرب وزرائے داخلہ کے 41 ویں اجلاس کے حوالے سے بھی مختلف موضوعات پرتبادلہ خیال کیا گیا جس خطے کے امن و استحکام اور ترقی کے حوالے سے مملکت کی کوششوں کو سراہا گیا تھا کونسل نے فلسطین اور خاص کر غزہ پٹی اور اس کے گردونواح میں پیش آنے والی انسانی صورتحال کی سنگینی کو ختم کرنے کے معاملے پر بحث کرتے ہوئے وہاں بڑھتی ہوئی عسکری کارروائیوں کو بین الاقوامی امن وسلامتی کے لیے خطرہ قرار دیا۔