ماہرین حیاتیات نے ایمیزون کے جنگلات میں دنیا کا سب سے بڑا ایناکونڈا دریافت کیا ہے جو 26 فٹ لمبا اور 440 پاؤنڈ وزنی تھا۔دنیا کے سب سے بڑے سانپ کو حال ہی میں ڈچ ماہر حیاتیات اور ٹی وی وائلڈ لائف پیش کرنے والے پروفیسر فریک وونک نے ایمیزون کے جنگلات میں دریافت کیا ۔ 26 فٹ لمبا اور 440 پاؤنڈ وزنی شمالی سبز ایناکونڈا سانپوں سے ڈرنے والوں کے لیے واقعی خطرناک ہے۔ وونک نے نو ممالک کے 14 دیگر سائنسدانوں کی ٹیم کے ساتھ یہ طے کیا یہ ایناکونڈا الگ نسل سے تعلق رکھتا ہے۔ سائنسدانوں نے ایناکونڈا کی نئی نسل کو لاطینی نام akayima دیا ہے۔ وونک کے مطابق لفظ اکائیما شمالی جنوبی امریکہ کی کئی مقامی زبانوں سے آیا ہے اور اس کا مطلب ہے عظیم سانپ۔ ایمیزون کا خطہ موسمیاتی تبدیلیوں اور جنگلات کی مسلسل کٹائی سے شدید دباؤ کا شکار ہے۔ ایمیزون کا پانچواں حصہ پہلے ہی غائب ہو چکا ہے، جو نیدرلینڈز کے رقبے سے 30 گنا زیادہ ہے۔ ان بڑے سانپوں کی بقا ان کے قدرتی رہائش گاہ کی حفاظت سے جڑی ہوئی ہے۔شمالی سبز ایناکونڈا کی رینج جنوبی علاقوں میں ملتے جلتے سانپوں کے مقابلے میں کم ہے، اس لیے یہ موسمیاتی تبدیلیوں کے اثرات کے پیش نظر کم ہو رہے ہیں پھر بھی یہ نئی دریافت حیاتیات کے ماہرین کے لیے یقیناً پرجوش ہے، اور اس سے یہ سوال پیدا ہوتا ہے کہ ایناکونڈا کی کتنی دوسری نسلیں اب بھی دریافت ہونے کی منتظر ہیں۔
