نئی دہلی:الیکشن کمیشن نے کہا ہے کہ پانچ ریاستوں میں جاری اسمبلی انتخابات کے اعلان کے بعد اس نے اب تک مجموعی طور پر 1760 کروڑ روپے نقد، شراب اور ووٹروں کو متاثر کرنے کے لئے انہیں مفت دیئے جانے والے سامان ضبط کئے ہیں۔کمیشن نے ایک ریلیز میں کہا کہ یہ ضبطی نافذ کرنے والے اداروں کے تعاون اور کوآرڈینیشن سے کی گئی۔ ان کارروائیوں میں تلنگانہ میں سب سے زیادہ اور میزورم میں سب سے کم نقدی ضبط کی گئی ہے۔الیکشن کے دوران ضبطی کی کارروائی کے لیے کمیشن کی طرف سے قائم کردہ انتظامی نظام نافذ کرنے والے اداروں نے اب تک 373 کروڑ روپے کی نقدی، 215 کروڑ روپے کی شراب، 245 کروڑ روپے کی منشیات، 371 کروڑ روپے کی قیمتی دھاتیں، منشیات کی مفت تقسیم کے لئے 556 کروڑ روپے کا سامان ضبط کر لیا گیا ہے۔اس دوران چھتیس گڑھ میں تقریباً 21 کروڑ روپے کی نقدی، 2 کروڑ روپے سے زیادہ کی تمباکو، 4.5 کروڑ روپے سے زیادہ کی منشیات، تقریباً 23 کروڑ روپے کی قیمتی دھاتیں اور تقریباً 26 کروڑ 70 لاکھ روپے کا سامان ضبط کیا گیا