فلوریڈا(ویب ڈیسک) امریکی ریاست فلوریڈا میں واقع بایو فیول کمپنی کے جنرل مینیجر رائس گلہام کو متعدد جرم کے نتیجے میں آج 37 ماہ قید اور تین سال کی نگرانی میں رہنے کی سزا سنائی گئی۔
حکام کے مطابق، فلوریڈا کے شہر فورٹ پیئرس میں واقع بایو فیول کمپنی کے جنرل مینیجر رائس گلہام ایک اسکیم میں ملوث تھے جس کے ذریعے 70 لاکھ ڈالر سے زائد کے جعلی ای پی اے قابل تجدید فیول کریڈٹس حاصل کیے گئے اور بائیو ڈیزل کی پیداوار کے جعلی دعوے کے ذریعے 60 لاکھ ڈالر کے ٹیکس کریڈٹس لینے کی کوشش کی گئی۔ گلہام اور اس کے ساتھیوں نے آئی آر ایس اور ای پی اے کو فراہم کیے گئے پیداوار کے اعداد و شمار کو بڑھا چڑھا کر پیش کیا تاکہ زیادہ کریڈٹس حاصل کیے جا سکیں۔ جب آڈیٹرز نے مزید تفصیلات طلب کیں تو انہوں نے جعلی معلومات اور جھوٹے دستاویزات فراہم کیے۔ گلہام نے پہلے ہی وائر فراڈ اور غلط دعوے دائر کرنے کی سازش کا اعتراف کر لیا تھا۔ یہ اعلان جسٹس ڈپارٹمنٹ کے انوائرمینٹ اینڈ نیچرل ریسورسز ڈویژن کے قائم مقام اسسٹنٹ اٹارنی جنرل ایڈم گسٹفسن اور سدرن ڈسٹرکٹ آف فلوریڈا کے اٹارنی ہیڈن پی او برائن نے کیا۔ کیس کی تفتیش ای پی اے کرمنل انویسٹی گیشن ڈویژن اور آئی آر ایس کرمنل انویسٹی گیشن نے کی، جبکہ استغاثہ کی ذمہ داری سینئر ٹرائل اٹارنی ایڈم کلمن اور اسسٹنٹ امریکی اٹارنی ڈینیئل فنک نے نبھائی۔