ایک رپورٹ میں انکشاف ہوا ہے کہ امریکا میں اس سال تھینکس گیونگ کی چھٹیوں میں 80 ملین امریکی سفر کرنے کا ارادہ رکھتے ہیں، جو کہ ایک نیا ریکارڈ قائم کرے گا۔
انڈسٹری رپورٹس کے مطابق، امریکی خاندان اور دوستوں کے ساتھ وقت گزارنے کے لیے بڑی تعداد میں سفر کی منصوبہ بندی کر رہے ہیں۔ ٹریفک حکام نے پیشگوئی کی ہے کہ ہوائی اڈے، ہائی ویز، اور دیگر ٹرانسپورٹ مقامات غیر معمولی رش سے بھر جائیں گے، ادھر فضائی کمپنیوں نے اضافی پروازیں بھی متعارف کروائی ہیں جبکہ دیگر ٹرانسپورٹ سروسز نے اضافی سہولیات کی فراہمی کا انتظام کیا ہے۔ ٹرانسپورٹ حکام نے پیش گوئی کی ہے کہ زیادہ تر افراد کار کے ذریعے سفر کریں گے، جبکہ 5 ملین سے زائد افراد فضائی سفر کریں گے۔ رش کے اوقات، خاص طور پر منگل اور بدھ کی دوپہر، شدید ٹریفک کا سبب بنیں گے۔ حکام نے مسافروں کو مشورہ دیا ہے کہ وہ رش کے اوقات سے بچنے کے لیے پہلے سے اپنے سفر کی منصوبہ بندی کریں۔ تھینکس گیونگ ڈے کی مناسبت سے چھٹیاں امریکی ٹرانسپورٹ انڈسٹری کے لیے ایک اہم چیلنج ثابت ہوں گی، کیونکہ غیر معمولی رش کو مؤثر طریقے سے سنبھالنا ضروری ہوگا۔ماہرین کے مطابق، وبا کے بعد معمولات کی واپسی اور تعطیلات منانے کی بڑھتی خواہش سفر میں اضافے کی بڑی وجوہات ہیں۔