نیویارک(ویب ڈیسک)ایف ڈی این وائے کے کمشنر رابرٹ ٹکر نے جنگلات میں آگ کے متعدد واقعات رونما ہونے کے بعد نئی ٹاسک فورس بنانے کا اعلان کردیا ہے۔ پہلی برش فائر ٹاسک فورس فائر مارشلز، انسپکٹرز اور ٹیکٹیکل ڈرون یونٹس پر مشتمل ہوگی۔حکام کا کہنا ہے کہ ٹاسک فورس برش فائر پر تیز رفتار اور موثر ردعمل کو یقینی بنانے، ہر آگ کی وجہ اور حقائق جاننے اور آگ لگنے سے روکنے میں مدد کے لیے معلومات کے تبادلے کو بڑھانے میں قیادت کرے گی۔نئی ٹاسک فورس نیویارک سٹی کے پانچ بوروں میں حالیہ برش فائر کو دیکھنے کے بعد سامنے آئی ہے۔کمشنر نےٹکرکہا کہ بارش کی نمایاں کمی کی وجہ سے، خشک پودوں اور ہوا کے حالات کی وجہ سے تیزی سے پھیلنے والی برش آگ کے خطرے کے نتیجے میں نیو یارک شہر میں برش کی آگ میں اضافہ ہوا ہے۔اس ٹاسک فورس کو تشکیل دے کر برش فائر کو ہونے سے روکنے کے لیے حقیقی کارروائی کر رہے ہیں، اپنے اراکین کو فیلڈ میں رہتے ہوئے محفوظ رکھنے کے لیے پروٹوکول بنارہے ہیں۔ اور آگ لگنے کے اسباب کی نشاندہی کرنے کے لیے کام کر رہے ہیں تاکہ ان کے لگنے کے بعد اس کی وجوہات کی نشاندہی کی جا سکے اورنیویارکرز کے مستقبل کو محفوظ بنائیں۔