نیویارک میں تقریباً ایک دہائی میں EEE وائرس کا پہلا انسانی کیس رپورٹ

ریاستی محکمہ صحت کا کہنا ہے کہ السٹر کاؤنٹی میں وائرس کا پتہ چلا اور 2015 کے بعد نیویارک میں یہ پہلا کیس ہے۔

نیویارک (ویب ڈیسک) نیویارک ریاست میں تقریباً ایک دہائی میں ایسٹرن ایکوائن انسیفلائٹس کا پہلا کیس رپورٹ  ہوا ہے ۔نیویارک اسٹیٹ ڈپارٹمنٹ آف ہیلتھ نے کہا کہ السٹر کاؤنٹی میں مچھروں سے پیدا ہونے والے نایاب وائرس کا پتہ چلا ہے اور متاثرہ شخص کو ہسپتال منتقل کردیا گیا ہے۔ صحت کے حکام نے بتایا کہ السٹر کاؤنٹی کا محکمہ صحت فی الحال اس کیس کی تحقیقات کر رہا ہے جو کہ نیویارک ریاست میں 2015 کے بعد سے تصدیق شدہ EEE کا پہلا کیس ہے۔نیو یارک اسٹیٹ ہیلتھ کمشنر ڈاکٹر جیمز میکڈونلڈ نے ایک بیان میں کہا کہ مشرقی ایکوائن انسیفلائٹس مچھروں سے پھیلنے والی ایک سنگین اور مہلک بیماری ہے جس کی کوئی ویکسین نہیں ہے۔اگرچہ درجہ حرارت ٹھنڈا ہو رہا ہے اور مچھروں سے پھیلنے والی بیماریاں اب بھی  خطرہ ہیں اور نیویارک والوں کو محتاط رہنا چاہیے۔