امریکی ریاست نیو میکسیکو میں وفاقی گرینڈ جیوری نے تین افراد کے خلاف غیر قانونی تارکین وطن کی اسمگلنگ اور ایک گواہ کے قتل کی سازش کے الزامات عائد کر دیے ہیں۔
عدالتی دستاویزات کے مطابق ملزمان میں ولفریڈو سینز، اگناسیو جاریلامو اور اس کے بھائی اسماعیل جاریلامو شامل ہیں، جو نیو میکسیکو کے رہائشی ہیں۔ محکمۂ انصاف کے مطابق ملزمان پر الزام ہے کہ وہ 2021 سے 2024 تک غیر قانونی طور پر افراد کو منتقل کرنے کے نیٹ ورک میں ملوث رہے، اور بعد میں ایک گواہ کو قتل کر کے معاملہ چھپانے کی کوشش کی۔ حکام نے بتایا کہ یہ کیس انسانی اسمگلنگ سے جڑے تشدد اور منظم جرائم کی سنگینی کو ظاہر کرتا ہے۔ اگر الزامات ثابت ہو گئے تو ملزمان کو عمر قید سمیت سخت سزائیں ہو سکتی ہیں۔ امریکی قانون نافذ کرنے والے اداروں نے اس کارروائی کو انسانی اسمگلنگ کے خلاف بڑی مشترکہ مہم کے حصہ قرار دیا ہے، جس کا مقصد ایسے نیٹ ورکس کا خاتمہ ہے جو غیر قانونی سرگرمیوں اور تشدد کو فروغ دیتے ہیں۔