آئی ایس پی آر کے مطابق فتح دوئم جدید ترین ایویونکس، نیویگیشن سسٹم اور منفرد پرواز کی رفتار سے لیس ہے جو 400 کلومیٹر کی رینج میں انتہائی درستگی کے ساتھ اہداف کو نشانہ بنانے کی صلاحیت رکھتا ہے فتح دوئم کے فلائٹ ٹیسٹ کو ٹرائی سروسز کے سینئر افسران، سائنسدانوں اور انجینئرز نے دیکھا۔ فتح دوئم کے کامیاب تجربے پر صدر، وزیراعظم پاکستان، چیئرمین جوائنٹ چیفس آف سٹاف کمیٹی اور چیف آف آرمی اسٹاف نے فلائٹ ٹیسٹ کے کامیاب انعقاد میں حصہ لینے والے فوجیوں اور سائنسدانوں کو مبارکباد دی۔