کراچی:بالی ووڈ کے کنگ شاہ رخ خان کی فلم رئیس سے بالی ووڈ میں قدم رکھنے والی پاکستانی اداکارہ ماہرہ خان اب بھارت کی علاقائی فلم انڈسٹری ملیالم میں بھی ڈیبیو کرنیوالی ہیں۔ماہرہ کو پرتھوی راج کی فلم لوسیفر کے سیکوئل میں کاسٹ کرلیا گیا۔پاکستان کی معروف اداکارہ ماہرہ خان کو ملیالم فلم انڈسٹری کے معروف اداکار و ہدایتکار پرتھوی راج کی فلم لوسیفر کے سیکوئل ایل2 ایمپوران میں کاسٹ کیا گیا۔ذرائع کے مطابق ماہرہ خان بلاک بسٹر ملیالم فلم لوسیفر کے سیکوئل میں ملیالم سُپر اسٹار موہن لال کے ساتھ اہم کردار میں نظر آئیں گی جبکہ ہدایتکار پرتھوی راج نے فلم میں ماہرہ خان کو کاسٹ کرنے کے حوالے سے باضابطہ طور پر کوئی اعلان نہیں کیا۔ہدایتکار پرتھوی راج اور اُن کی اہلیہ کی ماہرہ خان اور اُن کے شوہر سلیم کریم کے ساتھ گہری دوستی ہے،جس کی وجہ سے یہ قیاس آرائیاں کی جارہی ہیں کہ فلم میں ماہرہ خان کو کاسٹ کیا جائے گا۔دوسری جانب ماہرہ خان کے سوشل میڈیا پر وائرل پوڈ کاسٹ انٹرویو میں اُنہیں ملیالم فلم انڈسٹری کی تعریف کرتے ہوئے سُنا جاسکتا ہے،ماہرہ خان نے فہد مصطفیٰ اور دیگر کے ساتھ گفتگو میں ملیالم اداکاروں اور پروڈکشن کی تعریف کی اور انڈسٹری میں کام کرنے کی اپنی خواہش کا اظہار بھی کیا۔