بروکلین(ویب ڈیسک) نیویارک کے علاقے بروکلین میں ہاؤس پارٹی کے دوران جھگڑے کے نتیجے میں 44 سالہ شخص کو چاقو مار کر قتل کر دیا گیا۔
پولیس کے مطابق، یہ واقعہ نیو یارک کے علاقے بروکلین کی ایک ہاؤس پارٹی کے دوران پیش آیا جہاں 44 سالہ جرمین مورانٹ کو سینے میں چاقو مارا گیا۔ پولیس کا کہنا ہے کہ دونوں افراد میں کسی بات پر تنازع بڑھا اور ملزم نے متاثرہ شخص پر چاقو سے حملہ کر دیا۔ متاثرہ شخص شدید زخمی حالت میں اسپتال منتقل کیا گیا، جہاں ڈاکٹرز نے اس کی موت کی تصدیق کر دی۔ حکام نے تحقیقات شروع کر دی ہیں اور مشتبہ افراد کی تلاش جاری ہے۔ پولیس عینی شاہدین سے پوچھ گچھ کر رہی ہے تاکہ واقعے کی مکمل تفصیلات کا جائزہ لیا جا سکے۔