امریکی ریاست نیویارک سے تعلق رکھنے والے 30 سالہ شخص پر الزام ہے کہ اس نے آئرلینڈ کے ایک پرتعیش ریزورٹ میں اپنے کروڑ پتی والد کو قتل کیا،واقعہ ملزم کی خراب ذہنی صحت کے باعث پیش آیا۔یہ واقعہ آئرلینڈ کے ایک مشہور ریزورٹ میں پیش آیا جہاں یہ باپ بیٹا وقت گزارنے کے لیے مقیم تھے۔ 30 سالہ بیٹے نے مبینہ طور پر اپنے والد پر حملہ کیا اور انہیں جان لیوا چوٹیں پہنچائیں، جس کے بعد والد کی موت واقع ہوگئی۔ واقعے کے فوری بعد ملزم کو پولیس نے گرفتار کر لیا۔پولیس ذرائع کے مطابق ملزم کا کہنا ہے کہ اس کے والد کے ساتھ اس کا دیرینہ تنازعہ چل رہا تھا اور واقعے کے وقت اس کی ذہنی حالت ٹھیک نہیں تھی۔ مزید تحقیقات سے معلوم ہوا ہے کہ ملزم ماضی میں ذہنی صحت کے مسائل سے بھی دوچار رہا ہے، جس کے باعث اس کے رویے میں غیر معمولی تبدیلیاں دیکھی گئی تھیں۔پولیس نے ملزم کو عدالت میں پیش کر دیا ہے، جہاں اس پر اپنے والد کے قتل کا الزام عائد کیا گیا ہے۔ قانونی ماہرین کے مطابق، ملزم کے ذہنی صحت کے مسائل کو مدنظر رکھتے ہوئے اس کیس کی سماعت کے دوران مختلف نفسیاتی جائزے کیے جا سکتے ہیں تاکہ ملزم کے دماغی حالت کی مزید تفصیلات سامنے آسکیں۔