نیویارک: امیگرنٹس کا اپنی مرضی سے اشیائے خوردونوش خریدنے کا واؤچر پروگرام ختم

نیویارک(ویب ڈیسک) نیویارک سٹی نے امیگرنٹس خاندانوں کا اپنی مرضی سے اشیائے خوردونوش خریدنے کے واؤچر پروگرام کو ختم کرنے کا فیصلہ کیا ہے۔

 یہ واؤچر پروگرام ان امیگرنٹس خاندانوں کے لیے بنایا گیا تھا۔ جو نیویارک میں پناہ لے رہے ہیں اور انہیں فوری مدد درکار ہے۔ اس پروگرام کے ذریعے انہیں مالی امداد فراہم کی جاتی تھی تاکہ وہ اپنے خاندان کے لیے ضروری کھانے پینے کی اشیاء خود خرید سکیں۔ لیکن حالیہ معاشی دباؤ اور امیگرنٹس کی بڑھتی ہوئی تعداد کی وجہ سے شہر کی انتظامیہ نے اس پروگرام کو جاری رکھنا مشکل قرار دیا ہے۔ اس فیصلے کے بعد امیگرنٹس خاندانوں کو اب مخصوص مراکز پر فراہم کی جانے والی خوراک پر انحصار کرنا ہوگا، جس سے انہیں اپنی پسند یا ضرورت کے مطابق کھانے پینے کا انتخاب محدود ہو سکتا ہے۔ میئر ایرک ایڈمز نے کہا ہے کہ اس تبدیلی کا مقصد شہر کے بجٹ کو متوازن رکھنا اور زیادہ سے زیادہ لوگوں کو مدد فراہم کرنا ہے۔ تاہم، اس اقدام پر انسانی حقوق کی تنظیموں اور امیگرنٹس کے حامیوں کی جانب سے تشویش کا اظہار کیا گیا ہے، جن کا کہنا ہے کہ اس سے متاثرہ خاندانوں کی غذائی ضروریات پر منفی اثرات مرتب ہو سکتے ہیں۔