نیویارک کے میئر ظہران ممدانی نے اعلان کیا ہے کہ نیویارک نِکس کے 2026 پلے آف رن سے اب تک شہر کو تقریباً 202 ملین ڈالر کی معاشی سرگرمی حاصل ہوئی ہے۔
یہ اعداد و شمار نیویارک سٹی اکنامک ڈیولپمنٹ کارپوریشن کی تازہ رپورٹ میں سامنے آئے ہیں۔شہر کے اقتصادی ادارے کے مطابق اگر فائنلز میں تمام ممکنہ ہوم گیمز کھیلے گئے تو یہ مجموعی فائدہ 465 ملین ڈالر تک پہنچ سکتا ہے۔ ہر اضافی ہوم گیم سے تقریباً 90 ملین ڈالر کی معاشی سرگرمی پیدا ہونے کا اندازہ لگایا گیا ہے، جس سے ریستورانوں، ہوٹلوں اور چھوٹے کاروباروں کو واضح فائدہ پہنچ رہا ہے۔حکام کے مطابق اس اسپورٹس رن نے نہ صرف شہر میں جوش و خروش بڑھایا ہے بلکہ مقامی معیشت میں بھی نمایاں تحریک پیدا کی ہے۔ میئر نے کہا کہ جب نِکس جیتتے ہیں تو پورا نیویارک زندہ ہو جاتا ہے، اور یہ اثر براہِ راست شہری معیشت میں بھی نظر آتا ہے۔