میئر ایرک ایڈمز ایک بار پھر جمعہ کے روز عدالت میں پیش ہوں گے
نیویارک:نیویارک کے میئر ایرک ایڈمز نے نئے تعینات ہونے والے پولیس افسران کی گریجویشن تقریب میں شرکت کی۔میئر ایڈمز نے تقریب سے خطاب کرتے ہوئے نئے افسران کو ان کی سخت محنت اور کامیابی پر مبارکباد دی اور نیو یارک شہر کی حفاظت کے لیے ان کے کردار کو اجاگر کیا۔ انہوں نے زور دیا کہ ان نوجوان افسران کی موجودگی سے شہر کے مختلف علاقوں میں جرائم پر قابو پانے اور امن و امان کی بحالی میں مدد ملے گی۔انہوں نے افسران پر زور دیا کہ وہ شہریوں کی خدمت اور ان کے تحفظ کو اپنی اولین ترجیح بنائیں اور اپنے کردار کو ایمانداری، دیانتداری، اور انسانیت کے ساتھ ادا کریں۔ میئر ایڈمز نے اس بات پر بھی روشنی ڈالی کہ موجودہ دور میں پولیس افسران کو بڑھتی ہوئی چیلنجز کا سامنا ہے، لیکن ان کے حوصلے اور عزم سے یہ مشکلات حل کی جا سکتی ہیں۔علاوہ ازیں نیویارک کے میئر ایرک ایڈمز اپنے عہدے کے اختیارات کا غلط استعمال کرنے کے الزامات میں جمعہ روز عدالت میں ایک بار پھر پیش ہوں گے ۔ایڈمز پر الزام ہے کہ انہوں نے اپنے عہدے کے اختیارات کو غلط استعمال کرتے ہوئے کچھ مخصوص کاروباروں اور افراد سے غیر قانونی فائدہ پہنچانے کے لیے رشوت لی ہے۔ اس معاملے میں متعدد اہم گواہان اور دستاویزی شواہد کو بھی عدالت میں پیش کیا گیا ہے، جن کا مقصد یہ ثابت کرنا ہے کہ ایڈمز نے سرکاری منصب کا غلط استعمال کیا ہے۔ ایڈمز اور ان کی قانونی ٹیم نے ان الزامات کو سختی سے رد کرتے ہوئے کہا ہے کہ یہ سیاسی مقاصد کے تحت لگائے گئے ہیں اور ان کا مقصد ان کی ساکھ کو نقصان پہنچانا ہے۔ وہ دعویٰ کر رہے ہیں کہ وہ عدالت میں بھرپور طریقے سے اپنی بے گناہی ثابت کریں گے۔ عدالت میں ہونے والی اس سماعت کو شہر بھر میں لوگوں کی دلچسپی کا مرکز قرار دیا جا رہا ہے، کیوں کہ یہ کیس نہ صرف ایڈمز کے سیاسی مستقبل بلکہ نیویارک کی سیاسی فضاء پر بھی گہرے اثرات ڈال سکتا ہے۔