امریکی ریاست اوریگون اور واشنگٹن میں بیلٹ بکسز کو آگ لگانے کے پے درپے واقعات رونما ہوئے۔ پولیس نے دونوں ریاستوں میں پیش آئے واقعات کی تحقیقات شروع کردی ہیں۔پولیس کے مطابق، ابتدائی تفتیش سے پتہ چلتا ہے کہ ان دونوں واقعات میں ایک ہی گاڑی استعمال ہوئی ہے، جسے شناخت کرلیا گیا ہے۔ اس گاڑی کی معلومات سے تفتیش میں مزید مدد ملنے کی امید ہے۔ یہ واقعات اس وقت منظر عام پر آئے جب شہریوں نے بیلٹ بکسز میں آگ لگی ہوئی دیکھی اور فوری طور پر ہنگامی خدمات کو اطلاع دی۔ پولیس کا کہنا ہے کہ ان وارداتوں کا مقصد لوگوں کو ووٹ ڈالنے سے روکنے یا انتخابی عمل کو متاثر کرنا ہو سکتا ہے۔ آگ لگانے کے ان واقعات کی وجہ سے ووٹنگ کے عمل میں مشکلات پیش آسکتی ہیں، اور حکام نے انہیں جمہوری عمل پر ایک براہِ راست حملہ قرار دیا ہے۔ انتظامیہ اور انتخابات کے حکام نے شہریوں سے کہا ہے کہ وہ اگر کوئی مشتبہ حرکت یا شخص دیکھیں تو فوری طور پر پولیس کو اطلاع دیں۔ پولیس حکام کا کہنا ہے کہ وہ جلد از جلد ملزمان تک پہنچنا چاہتے ہیں تاکہ انتخابی عمل کو محفوظ اور شفاف بنایا جا سکے۔