دمام: ندیم اختر چوہدری کا پاک یونائیٹڈ میڈیا فورم کے اعزاز میں افطار ڈنر

 سعودی عرب کے ساحلی شہر دمام کی معروف سماجی اور کاروباری شخصیت ندیم اختر چوہدری کی جانب سے الریاض سے آئے ہوئے پاک یونائیٹڈ میڈیا فورم کے مرکزی سینئیر نائب صدر معروف صحافی ملک ناظم علی کے اعزاز میں مقامی ہوٹل میں شاندار افطار ڈنر تقریب کا انعقاد کیا گیا

تقریب کے میزبان ندیم اختر چوہدری نے پاک یونائیٹڈ میڈیا فورم کے حالیہ الیکشن میں نومنتخب عہدیداروں کو مبارکباد دیتے ہوئے کہا کہ پاک یونائیٹڈ میڈیا فورم کا کمیونٹی کی خدمت میں کوئی دوسرا ثانی نہیں پاک یونائیٹڈ میڈیا فورم سعودی عرب سمیت دوسرے ممالک میں بھی اپنا خاص مقام رکھتا ہے امید ہے کہ پاک یونائیٹڈ میڈیا فورم اپنی غیر جانبدارنہ بے لوث خدمت کی وجہ سے آسمان صحافت کا درخشندہ ستارہ بن کر چمکتا رہے گا

تقریب سے خطاب کرتے ہوئے پاک یونائیٹڈ میڈیا فورم کے مرکزی سینئیر نائب صدر ملک ناظم علی کا کہنا تھا کہ پاک یونائیٹڈ میڈیا فورم پاکستانی کمیونٹی کا خدمت گار فورم ہے پاک یونائیٹڈ میڈیا فورم کے تمام صحافی مثبت صحافت اعلی اخلاق اور مثالی کردار سے پاکستان کا وقار بلند رکھنے میں اپنا تعمیری کردار ادا کر رہے ہیں

تقریب میں مرزا ریاض بیگ؛ رانا محمد ریاض ؛ رانا ثاقب اور دیگر نے بھی خطاب کرتے ہوئے پاک یونائیٹڈ میڈیا فورم کی صحافتی خدمات کو سراہا