کاٹن کینڈی، جسے ’فیئری فلاس‘ یا ’بڑھیا کے بال‘ بھی کہا جاتا ہے، بھارتی ریاست تامل ناڈو کی حکومت نے اس کی پروڈکشن اور فروخت پر پابندی لگا دی ہے۔ کاٹن کینڈی میں زہریلے کیمیکلز، بشمول ’روڈامائن بی‘ جیسا کیمیائی مادہ پایا گیا ہےجو صحت کے سنگین مسائل سے پیدا کرتا ہے۔اسپن شوگر سے بننے والی کاٹن کینڈی بچوں کی ایک مقبول مٹھائی ہے۔ حالیہ تحقیق کے نتائج میں یہ بات سامنے آئی ہے کہ کچھ لوگ اسے رنگین بنانے کے لیے روڈامائن بی جیسے خطرناک کیمیکلز کا استعمال کر رہے ہیں۔یہ ایک کیمیائی مرکب ہے، روڈامائن بی عام طور پر ڈائی کے طور پر استعمال ہوتا ہے، صحت کو درپیش ممکنہ خطرات کے سبب اسے کھانے میں استعمال کرنے پر پابندی لگا دی گئی ہے۔تحقیق سے پتہ چلتا ہے کہ اگر طویل عرصے تک روڈامائن بی کا استعمال کیا جائے یا کسی طرح اس کے رابطے میں رہا جائے تو کینسر اور جگر کی خرابی جیسے صحت کے سنگین مسائل پیدا ہوسکتے ہیں۔۔ والدین کو مشورہ دیا گیا کہ وہ اپنے بچوں کے لیے کاٹن کینڈی خریدنے سے گریز کریں اور ایسی دوسری غذاؤں سے محتاط رہیں ۔۔