عالمی عدالت انصاف میں اسرائیل کے خلاف فلسطینیوں کی نسل کشی اور جنگی جرائم کے کیس کی 2 روزہ سماعت مکمل ہوگئی، صدر آئی سی جے نے عدالتی کارروائی روک دی، فیصلہ جلد سنانے کا عندیہ دے دیا۔جنوبی افریقا کی جانب سے اسرائیل کیخلاف فلسطینیوں کی نسل کشی اور جنگی جرائم کے کیس کی انٹرنیشنل کورٹ آف جسٹس میں سماعت مکمل ہوگئی۔جنوبی افریقا کے وکلاء نے 5 اہم نکات کی بنیاد پر کیس پیش کیا، جس میں فلسطنیوں کے قتل عام، جبری ہجرت پر مجبور کرنے اور خوراک کی بندش کے ثبوت پیش کئے گئے، اسرائیل کے خلاف صحت کے شعبے کی تباہی اور افزائش نسل کو روکنے کے الزامات کو بھی ثابت کرنے کرنے کیلئے دلائل دیئے گئے۔اسرائیلی قانونی ٹیم الزامات کے جوابات دینے میں مکمل ناکام ہوگئی، جنوبی افریقا پر حماس سے قربت کا الزام لگا دیا۔اسرائیلی وکلاء نے مؤقف اپنایا کہ ریاست نے جو کیا اپنے دفاع کیلئے کیا۔انٹرنیشنل کورٹ آف جسٹس کے صدر نے دو روز مکمل ہونے پر کارروائی روک دی اور فیصلہ جلد سنانے کا بھی عندیہ دیا۔