نواز شریف،جہانگیر ترین سمیت متعدد سیاستدانوں کو بڑا ریلیف مل گیا ۔ سپریم کورٹ نے آرٹیکل باسٹھ ون ایف کے تحت تاحیات نااہلی کے اپنے ہی فیصلے کو کالعدم قراردے دیا۔جسٹس یحییٰ خان آفریدی کا فیصلے سے اختلاف۔ کہا کسی بھی رکن اسمبلی کی ناہلی سپریم کورٹ کا فیصلہ برقرار رہنے تک رہے گی۔چیف جسٹس کی سربراہی میں 7 رکنی بینچ نے تاحیات نااہلی کی مدت سے متعلق کیس کا محفوظ فیصلہ سنادیا،عدالت نے اوپن کورٹ میں فیصلہ سناتے ہوئے آرٹیکل 62 ون ایف کے تحت تاحیات نااہلی کا پرانا فیصلہ کالعدم قرار دے دیا۔عدالت نے سمیع اللہ بلوچ کیس کا فیصلہ اوور رول کرتے ہوئے قرار دیا کہ 62 ون ایف کو آئین سے الگ کرکے اکیلا نہیں پڑھا جا سکتا، الیکشن ایکٹ کے تحت نااہلی کی مدت پانچ سال ہے جسے پرکھنے کی ضرورت نہیں،یہ فیصلہ چھ ایک کی اکثریت سے سامنے آیا جس میں جسٹس یحییٰ آفریدی نے اختلاف کیا۔جسٹس یحییٰ آفریدی نے اختلافی نوٹ میں کہا کہ تاحیات نااہلی کے فیصلے کو درست قرار دیا اور کہا کہ کسی بھی رکن اسمبلی کی نااہلی سپریم کورٹ کا فیصلہ برقرار رہنے تک رہے گی،،سپریم کورٹ کے پاس آئین کے آرٹیکل 184(3) میں کسی کی نااہلی کا اختیار نہیں۔ فیصلے کے بعد الیکشن ایکٹ میں 62 (1) ایف کے تحت نااہلی کی مدت پانچ سال مقرر ہے۔