پاک بھارت شوبز ستاروں کی جانب سے کرتار پور آمد کا سلسلہ جاری ہے۔بھارتی اور پاکستانی شوبز ستاروں کی کرتار پور میں ملاقات ہوئی ۔اس سلسلے میں بھارتی گلوکار جوشی کمار، میوزک کمپوزر شمی چوہدری، اویندر بھٹی اور بلجیت کور کرتارپور پہنچ چکی ہیں جبکہ گلوکار دیویندر پنڈت، سندھیاگپتا و دیگر فنکار کچھ دیر میں کرتارپور پہنچیں گے۔کرتار پور کے ڈپٹی سیکریٹری کے مطابق پاکستانی فنکاروں میں انور مسعود، طارق طافو، پپو سمراٹ، کامیڈین افتخار ٹھاکر، پاکستانی اداکارہ مدیحہ شاہ اور میگھا بھی کرتار پور پہنچ گئے ہیں ۔کرتارپور انتظامیہ کے مطابق ناہیدخان، اسلم شیخ، رؤف لالہ، نیلم شاہ اور ردا خان بھی آج کرتارپور پہنچ رہی ہیں۔واضح رہے کہ شوبز ستاروں کی آمد پر مقامی سیاحوں کی انٹری ٹکٹ میں رعایت دے دی گئی ہے۔انتظامیہ کا بتانا ہے کہ ضلع بھر کے مقامی شہری آج کرتار پور میں انٹری کے لیے ٹکٹ کی آدھی رقم ادا کریں گے۔
