وسطی غزہ میں چار روز قبل اسرائیلی ٹینک کی گولہ باری سے نشانہ بننے والی پولٹری ہیچری کے ملبے تلے سے دو لڑکیوں کو زندہ نکال لیا گیا۔شمالی غزہ میں اپنے گھر بار چھوڑنے پر مجبور ہونے کے بعد درجنوں بے گھر افراد وسطی قصبے دیر البلاح میں ہیچری میں مقیم تھے۔ماریہ ابو صفی نے کہا کہ میں بیدار ہوئی اور مجھے کچھ تکلیف ہوئی، تو میں نے اپنے ہاتھ اٹھائے اور اپنے اوپر ایک دیوار دیکھی،درد کافی زیادہ تھا اور پھر دوبارہ سو گئی۔ماریہ نے بتایا کہ تقریبا 72 بڑے افراد اور 60 سے زائد بچے پناہ لیے ہوئے تھے۔ماریہ نے کہا کہ ہم ملبے کے نیچے چار دن تک رہے،کھانے پینے کی کوئی چیز نہیں تھی میں باہر نکلنے کی کوشش کررہی تھی تو میرے اوپر بہت سے پتھر تھے۔