ویب ڈیسک: اسرائیلی حکومتی ترجمان نے کہا ہے کہ اسرائیل غزہ میں اپنی جنگ کے نئے مرحلے میں پہنچ رہا ہے، جہاں وہ جنگ کو عسکری لحاظ سے مشکل تصور کررہا ہے۔تاہم اسرائیل حماس کو ختم کرنے کے اس مقصد میں شہریوں کو پہنچنے والے نقصان کو کم کرنے کے حوالے سے بھی کوششوں میں مصروف ہے۔ عرب میڈیا کے مطابق غزہ پٹی پر حماس کے زیر انتظام علاقوں میں اسرائیل کی جانب سے آپریشن کا آغاز کردیا گیا ہے،جہاں شمالی علاقوں سے تقریباً 10 لاکھ پناہ گزینوں کی آبادی میں اضافہ ہوا ہے۔اسرائیلی حکومتی ترجمان نے کہا ہے کہ غزہ میں جنگ دوسرے مرحلے میں داخل ہوچکی ہے جو مشکل مرحلہ ثابت ہوسکتی ہے۔ ذرائع ابلاغ کے مطابق دوسری جانب القسام بریگیڈ کی جانب سے ایک نئی ویڈیو جاری کی گئی ہے جس میں مجاہدین کو اسرائیلی فوجیوں کے کیمپ کے نہایت قریب جا کر اسے اڑاتے دکھایا گیا ہے۔غزہ میں مزاحمتی تنظیمیں اسرائیلی فوج کے تمام منصوبے خاک میں ملانے کے لیے ہر ممکن کوشش کر رہی ہیں۔مزاحمتی تنظیموں نے محصور شہر میں اسرائیل کو ناکوں چنے چبوا دیے ہیں، کتائب القسام کے مجاہدین اسرائیلی فوج کے خیموں کے نزدیک پہنچ گئے اور انتہائی قریب سے بنائی گئی ویڈیو شیئر کر دی ہے۔
https://x.com/AJArabic/status/1732043595140784211?s=20
