حیدرآباد:آندھرا پردیش کے علاقے وجئے واڑہ کے پنڈت نہرو بس اسٹینڈ پر ایک بس پلیٹ فارم پر چڑھ گئی، جس کے نتیجے میں تین افرادجاں بحق اور متعدد زخمی ہوگئے۔حادثہ اس وقت پیش آیا جب ڈرائیور نے بس کو ریورس کرنے کی کوشش کی مگر گیئر باکس میں مشتبہ تکنیکی خرابی کی وجہ سے گاڑی غیر متوقع طور پر آگے بڑھ گئی۔یہ دل دہلا دینے والا واقعہ پنڈت نہرو بس اسٹینڈ کے پلیٹ فارم نمبر 12 پر پیش آیا۔ بس کا تعلق آندھرا پردیش اسٹیٹ روڈ ٹرانسپورٹ کارپوریشن (APSRTC) سے تھا اور وہ گنٹور کے لیے مسافروں کو لینے جا رہی تھی۔مرنے والوں میں بس کا کنڈکٹر، ایک خاتون اور ایک نوجوان لڑکا شامل ہے ، ۔ تصادم کے فوری بعد زخمی مسافروں کو فوری طور پر طبی امداد کے لیے قریبی اسپتالوں میں منتقل کر دیا گیا۔ حکام خرابی کی صحیح تفصیلات اور دیگر معاون عوامل کا پتہ لگانے کے لیے واقعے کی تحقیقات کر رہے ہیں۔