ویب ڈیسک:ایک حالیہ رپورٹ میں اندازہ لگایا گیا ہے کہ اگر عالمی سطع پر انٹرنیٹ کی بندش ہو تو اس کے کیا معاشی نتائج ہونگے ۔ حیران کن طور پر اس کی ممکنہ لاگت کا تخمینہ $43 بلین لگا یا گیا ہے۔ یہ ایک روزہ بلیک آؤٹ غیر متناسب طور پر امریکہ اور چین کو زیادہ متاثر کرے گا، جس کی رقم 21 بلین ڈالر ہے۔جو کہ کل رقم کا نصف ہے۔ اگر ایک دن انٹرنیٹ کے بغیر ہو تو اس کےمعاشی نقصانات کیا ہونگے۔ AtlasVPN کی رپورٹ کے مطابق انٹرنیٹ کی ایک روزہ بندش سے سب سے زیادہ نقصان امریکہ اور چائنہ کو ہوگا جس میں امریکہ کو تقریباً 11 اور چین کو تقریباً 10 بلین ڈالر کا نقصان ہونے کا خدشہ ہے۔ برطانیہ کو 3 بلین ۔ جاپان کو تقریباً 2.7 بلین ڈالر اور ،جرمنی 1.5 کو بلین ڈالر کا نقصان ہونے کا اندازہ لگایا گیا ہے ۔سمندری جزائر والے ممالک، جیسے تووالو، کریباتی، مارشل آئی لینڈ، ناورو، اور مائیکرونیشیا کے لیے، ایک دن کے انٹرنیٹ کی بندش کے دوران ہونے والے مالی نقصانات نسبتاً معمولی ہوں گے، جو $50,000 سے زیادہ نہیں ہوں گے۔2022 میں، روس میں سب سے زیادہ نقصانات رپورٹ ہوئے، جس کا مجموعی تخمینہ 21.59 بلین ڈالر تھا جس کی وجہ سے 7,407 گھنٹے سے زیادہ بلیک آؤٹ ہوا جس نے ملک کی تین چوتھائی سے زیادہ آبادی کو متاثر کیا۔ بھارت کو بھی کافی نقصانات کا سامنا کرنا پڑا ہے، حکومت کی طرف سے مسلط کردہ بلیک آؤٹ کی وجہ سے 120 ملین سے زیادہ لوگوں کو انٹرنیٹ تک رسائی سے روکنے کی وجہ سے $184.3 ملین کا نقصان ہوا۔ایران، قازقستان، میانمار اور ازبکستان سمیت کئی دیگر ممالک کو 2022 میں انٹرنیٹ کی بندش کے نتیجے میں اہم مالیاتی دھچکے کا سامنا کرنا پڑا۔ رپورٹ میں مزید انکشاف کیا گیا ہے کہ حکومت کی طرف سے انٹرنیٹ کی بندش کی وجہ سے 2022 میں دنیا بھر میں مجموعی طور پر 24.6 بلین ڈالر کا نقصان ہوا ۔ جبکہ گزشتہ سال کے مقابلے میں اس سال 337 فیصد اضافہ ہوا ہے۔
