جرمنی میں پی ٹی ایم عہدیداران و کارکن آپے سے باہر
مظاہرین نے قونصلیٹ پر پتھراؤ کیا اور پاکستانی پرچم کی بے حرمتی کی،جرمنی پی ٹی ایم عہدیداران کا تعلق افغانستان سے ہے،مظاہرین میں سیاسی پناہ کے منتظر شامل تھے
جرمنی:جرمنی کے صنعتی شہر فرینکفرٹ میں پی ٹی ایم جرمنی کی جانب سے پی ٹی ایم کے شاعر کارکن گیلامن کی موت کے خلاف پاکستانی قونصلیٹ فرینکفرٹ پر احتجاجی مظاہرہ کیا گیا، مظاہرین نے قونصلیٹ پر پتھراؤ کیا اور پاکستانی پرچم کی بے حرمتی کی،جرمنی کے صنعتی شہر فرینکفرٹ میں پی ٹی ایم جرمنی کی جانب سے پی ٹی ایم کے شاعر کارکن گیلامن کی موت کے خلاف پاکستانی قونصلیٹ فرینکفرٹ پر احتجاجی مظاہرے کرنے کا اعلان کیا گیا تھا جس پر جرمن پولیس نے عام احتجاج سمجھتے ہوئے ایک پولیس موبائل تعنیات کی۔ مظاہرے کے آغاز پر مختلف مقررین نے پاکستانی حکمرانوں اور افواج پاکستان کے خلاف نازیبا الفاظ کا اٍستعمال کیا جس سے مظاہرے کے شرکاء میں اشتعال پھیل گیا ۔مظاہرے میں شریک کچھ شرپسندوں نے قونصلیٹ کی حدود میں داخل کر پاکستان پرچم کو پول سے اتارا اور پرچم کی بے حرمتی کرتے ہوئے جلانے کی کوشش کی ۔مظاہرے کے منتظمین شرپسندوں کو روکنے کی بجائے ان کی اس حرکت کو داد دیتے رہے تاہم پولیس کی بروقت کاروائی سے پرچم کو نذر آتش ہونے سے بچالیا گیا۔شرپسندوں نے قونصلیٹ پر پتھراؤ بھی کیا جس سے قونصلیٹ کے شیشے ٹوٹ گئے اس موقع پر پولیس کہ بھاری نفری پہنچ گئی مظاہرین نے پولیس کو دیکھتے ہوئے بھاگنا شروع کردیا ۔مظاہرین میں زیادہ تر مہاجرین اسائلم سیکر تھے جو مختلف کیمپوں سے لائے گئے تھے۔واضح رہے کہ پی ٹی ایم جرمنی کے عہدیداران کا تعلق افغانستان سے ہےاور پی ٹی ایم افغانستان کا جھنڈا اٍستعمال کرتی ہے۔