ڈیموکریٹ رہنما کیتھی ہوکل مڈٹرم انتخابات میں ریپبلکن حریف بروس بلیک مین کو شکست دے کر دوبارہ نیویارک کی گورنر منتخب ہو گئی ہیں۔
سی بی ایس نیوز نے بتایا کہ 68 سالہ کیتھی ہوکل نے نیویارک کی گورنر شپ کا انتخاب جیت لیا ہے۔ وہ نیویارک کی پہلی خاتون گورنر ہیں۔ ان کے مدمقابل 71 سالہ بروس بلیک مین، جو ناساؤ کاؤنٹی کے ایگزیکٹو ہیں، انتخابی مہم کے دوران زیادہ تر ہوکل سے دو ہندسوں کے فرق سے پیچھے رہے، اور انہوں نے نتائج کے بعد فون کر کے اپنی شکست تسلیم کر لی۔ نیویارک ہلٹن مڈ ٹاؤن میں فتح کی تقریر کرتے ہوئے ہوکل نے ریاست کے عوام کا شکریہ ادا کیا، جبکہ نیویارک سٹی کے میئر ظہران ممدانی کا بھی شکریہ ادا کیا۔ دونوں امیدواروں کی انتخابی مہم مہنگائی کے گرد گھومتی رہی، جس میں ہوکل نے یونیورسل چائلڈ کیئر اور ٹیکس میں رعایت پر زور دیا، جبکہ بلیک مین نے ٹیکس اور بجلی کے بل کم کرنے کا وعدہ کیا۔ ہوکل نے اپنی تقریر میں صدر ٹرمپ پر بھی تنقید کی۔ انہوں نے ملک بھر میں ڈیموکریٹس کی کامیابی پر خوشی کا اظہار کرتے ہوئے کہا کہ ہاؤس میں ڈیموکریٹس کی برتری کا امکان ہے،