شمالی امریکہ کا سب سے بڑا مسافر ٹرین نظام لانگ آئی لینڈ ریل روڈ مزدوروں کی ہڑتال کے باعث مکمل طور پر بند ہو گیا ہے، جس سے روزانہ لاکھوں مسافروں کو شدید مشکلات کا سامنا ہے۔
تفصیلات کے مطابق پانچ مزدور یونینوں نے تنخواہوں اور ہیلتھ انشورنس کے مسائل پر انتظامیہ کے ساتھ مذاکرات ناکام ہونے کے بعد ہڑتال شروع کی، جس کے نتیجے میں ہفتہ کی رات سے تمام سروسز معطل کر دی گئیں۔ یہ اس نظام میں تقریباً تین دہائیوں بعد پہلی بڑی ہڑتال ہے۔نیویارک اور اس کے مضافاتی علاقوں میں روزانہ تقریباً 2 لاکھ 50 ہزار افراد اس ریل سروس پر انحصار کرتے ہیں، اور اب انہیں متبادل سفری راستے اختیار کرنا پڑ رہے ہیں، جس سے سڑکوں پر ٹریفک اور دباؤ میں اضافہ ہو گیا ہے۔انتظامیہ اور یونین دونوں ایک دوسرے پر ذمہ داری عائد کر رہے ہیں، جبکہ ریاستی اور وفاقی سطح پر مداخلت کی کوششیں بھی ناکام رہی ہیں۔ حکام کے مطابق اگر جلد معاہدہ نہ ہوا تو بحران مزید بڑھ سکتا ہے اور یہ صورتحال آئندہ دنوں میں شہر کی معیشت اور روزمرہ زندگی کو مزید متاثر کرے گی۔