نیویارک کی کولمبیا یونیورسٹی میں ایک بین الاقوامی طالبہ ایلمنی آغایوا کو ج وفاقی محکمہ ہوم لینڈ سیکیورٹی نے حراست میں لے لیا، جس کے بعد یونیورسٹی میں طلبہ کی جانب سے احتجاج شروع ہو گیا۔
یونیورسٹی کے قائم مقام صدر نے خط میں بتایا کہ وفاقی ایجنٹس نے جمعرات کی صبح تقریباً چھ بجے تیس منٹ کے قریب ایک رہائشی عمارت میں داخل ہو کر طالبہ کو حراست میں لیا۔ یونیورسٹی کا کہنا ہے کہ ابتدائی معلومات کے مطابق ایجنٹس نے عمارت میں داخل ہونے کے لیے گمشدہ شخص کے بہانے غلط بیانی کی۔ یونیورسٹی نے طلبہ کو ہدایت دی کہ اگر قانون نافذ کرنے والے ایجنٹس کسی غیر عوامی علاقے میں داخل ہونے کی کوشش کریں تو وہ پہلے پبلک سیفٹی سے رابطہ کریں۔حکام نے طالبہ کی شناخت ایلمنی آغایوا کے طور پر کی ہے، جو آذربائیجان سے تعلق رکھنے والی بین الاقوامی طالبہ ہیں۔ انہیں امریکہ میں اسٹوڈنٹ ویزا پر تعلیم حاصل تھی، تاہم DHS کے مطابق یہ ویزا 2018 میں منسوخ کر دیا گیا تھا۔ ایک اہلکار کے مطابق، "ICE نے ایلمنی آغایوا کو حراست میں لیا، جو آذربائیجان کی غیر قانونی شہری ہیں اور ان کا ویزا 2018 میں ختم ہو چکا ہے۔ طالبہ نیوروسائنس اور پولیٹیکل سائنس کی طالبہ ہیں۔ حراست کے بعد یونیورسٹی میں طلبہ نے احتجاج کیا اور منتخب عہدیداروں نے بھی سخت ردعمل ظاہر کیا۔ نیویارک سٹی کونسل اور پبلک ایڈووکیٹ نے ICE کی کارروائی کی مخالفت کی۔