ٹینیسی(ویب ڈیسک) امریکی ریاست ٹینیسی میں ایک پالتو کتے نے اپنے مالک کو پستول سے گولی مار کر ہلاک کردیا۔
حکام کے مطابق واقعے کے وقت امریکی شہری اپنی پارٹنر کے ساتھ سویا ہوا تھا اور قریب ہی پستول پڑی ہوئی تھی۔ پالتو کتا پستول سے کھیلنے لگا اور اس دوران کتے کا پاؤں ٹریگر میں پھنس گیا جسے وہ نکالنے کی کوشش کرنے لگا اور اس دوران گولی چل گئی۔گولی بستر پر اپنی پارٹنر کے ساتھ سوئے ہوئے مالک کی ٹانگ میں لگ گئی اور خون کا فوارہ پھوٹ پڑا۔ پارٹنر نے متاثرہ شخص کو زخمی حالت میں اسپتال منتقل کیا۔ لیکن زیادہ خون بہہ جانے کے باعث مالک نے دم توڑ دیا۔ میڈیا رپورٹس میں بتایا گیا کہ امریکی شہری نے مرنے سے قبل اس واقعے کو ایک حادثہ قرار دیا ہے۔