امریکا کے چینی درآمدات پر اضافی ٹیرف لگانے کے اعلان کے بعد اب چین نے بھی جوابی طور پر امریکی درآمدات پر اضافی دس فیصد ٹیرف عائد کرنے کا اعلان کر دیا ہے۔
امریکا کی جانب سے دس فیصد اضافی ٹیرف عائد کرنے پر چین نے بھی شدید رد عمل دیتے ہوئے امریکا کی زرعی مصنوعات پر دس فیصد ٹیرف کا اعلان کر دیا۔ چینی وزرات خزانہ کے مطابق امریکا سے درآمد ہونے والی مرغی، گندم، مکئی اور کپاس پر 15 فیصد اضافی ٹیکس لگایا جائے گا۔چینی حکام کے مطابق جوار، سویا بین، گائے کا گوشت، آبی مصنوعات، پھل، سبزیاں اور ڈیری مصنوعات پر 10 فیصد اضافی ٹیرف عائد کیا جائے گا جب کہ ٹیرف کا نفاذ 10 مارچ سے ہوگا۔ چینی حکومت کےترجمان نے پریس کانفرنس میں کہا کہ بیجنگ امریکی دباؤ اور دھمکیوں کو کبھی قبول نہیں کریں گے۔ یہ اقدام امریکی صدر ڈونلڈ ٹرمپ کی جانب سے چین پر پہلے سے عائد 10 فیصد ٹیرف کو 20 فیصد تک بڑھانے کے ردعمل میں سامنے آیا ہے۔