واشنگٹن(ویب ڈیسک) امریکی ارکان کانگریس نے پاکستان میں جمہوریت کی بحالی اور بانی پی ٹی آئی عمران خان کو رہا کروانے کے لیے وزیرخارجہ مارکو روبیو کو خط لکھ دیا۔
ارکان کانگریس جو ولسن اور اگسٹ فلگرکی جانب سے وزیر خارجہ مارکو روبیو کو لکھے گئے مشترکہ خط میں کہا گیا ہےکہ بانی پی ٹی آئی پر سیاسی مقدمات بنائے گئے ہیں جو بالکل بے بنیاد ہیں۔ ان کو ایک لمبے عرصے سے قید میں رکھا گیا ہے جن کے وہ مستحق نہیں ہیں۔ عمران خان بھی دوسرے سیاست دانوں کی طرح ملکی سیاست میں حصہ لینے کے حق دار ہیں۔ خط میں کہا گیا کہ عمران خان ٹرمپ کی طرح عدالتی استحصال کا شکار ہیں۔ خط میں یہ بھی کہا گیا کہ جمہوریت، انسانی حقوق، قانون کی حکمرانی اور پاکستانی عوام کے لیے آزادی صحافت، آزادی اجتماع اور آزادی اظہار رائے کی بنیادی ضمانتوں کے احترام کے لیے پاکستان کے ساتھ مل کر کام کریں۔