واشنگٹن(ویب ڈیسک) امریکی صدر ٹرمپ نے بھارت کو دی جانے والی 21 ملین ڈالر امداد بند کردی۔
فلوریڈا میں میڈیا سے گفتگو کرتے ہوئے صدر ٹرمپ نےکہا کہ بھارت ہم پر سب سے زیادہ ٹیکس لگاتا ہے، اور وہاں ووٹر ٹرن آؤٹ کے پیسے ہم کیوں دے رہے ہیں۔ یہ پیسہ ہم اپنے ووٹرز پر خرچ کیوں نہیں کرتے، ٹرمپ کی ہدایت پر حکام نے بھارت کی فنڈنگ روک دی۔ امریکی صدر ڈونلڈ ٹرمپ نے کہا کہ بھارت کے پاس ہم سے زیادہ پیسہ ہے، انڈیا دنیا میں سب سے زیادہ ٹیکس عائد کرنے والا ملک ہے۔ تحقیقات کےدوران انکشاف ہوا کہ بھارت میں ووٹر ٹرن آوٹ کے لیے اکیس ملین ڈالر دیے گئے تھے جو امداد اب بند کردی گئی ہے۔