فلوریڈا(ویب ڈیسک) امریکی ریاست فلوریڈا میں ایک شخص نے 2 اسرائیلی شہریوں کو فلسطینی سمجھ ان پر فائرنگ کر دی۔
رپورٹ کے مطابق امریکی شہری نے کار میں سوار 2 افراد پر یہ سمجھ کر فائرنگ کردی کہ وہ فلسطینی ہیں۔ لیکن درحققیت وہ اسرائیلی سیاح تھے۔ امریکی پولیس نے 27 سالہ ملزم مورڈیچائی برافمین کو 2 اسرائیلیوں کو گولی مارنے کے الزام میں گرفتار کرلیا ہے۔ پولیس رپورٹ کے مطابق ملزم نے گرفتار دینے کے بعد پولیس کو بتایا کہ وہ میامی بیچ پر اپنا ٹرک چلا رہا تھا تو اس کی نظر 2 افراد پر پڑی جو گاڑی موجود تھے اور بظاہر فلسطینی لگ رہے تھے۔ اس نے دعویٰ کیا کہ اس نے اپنا ٹرک روکا اور ان پر گولی چلا دیں۔ پولیس کا کہنا تھا کہ اگرچہ متاثرین بچ گئے ہیں لیکن گولی ایک اسرائیلی کے کندھے میں اور دوسری کو بازو میں ماری گئی ہے۔ انسانی حقوق کی تنظیموں کے مطابق غزہ جنگ کے آغاز کے بعد سے امریکا میں مسلمان اور یہود دشمنی میں اضافہ ہوگیا ہے۔