واشنگٹن(ویب ڈیسک) امریکی صدر ڈونلڈ ٹرمپ نے روسی صدر پیوٹن سے جلد ملاقات کا عندیہ دیتے ہوئے کہا ہے کہ یوکرین میں امن قائم کرنے کے لیے سخت محنت کررہے ہیں۔
روسی صدر پیوٹن اور امریکی صدر ڈونلڈ ٹرمپ کے درمیان ٹیلیفونک رابطہ ہوا۔جس کے بعد امریکی صدر ٹرمپ نے کہا کہ یوکرین میں امن قائم کرنے کے لیے سخت محنت کررہے ہیں اور روسی صدر پیوٹن سے جلد ملاقات ہوسکتی ہے۔ دوسری جانب امریکی وزیر خارجہ مارکو روبیو نےکہا ہےکہ روسی صدر پیوٹن امن کے لیے سنجیدہ ہیں یا نہیں یہ اگلے چند دن طے کریں گے۔ امریکی چینل سے گفتگو میں مارکو روبیو کا کہنا تھا کہ فی الوقت یوکرین جنگ ختم کرنے کا کوئی طریقہ عمل میں نہیں ہے، ابھی مزید بات چیت سے سامنے آئے گا کہ کیا طریقہ عمل ہوگا۔ ادھر امریکی وزیر خارجہ روسی حکام سے ملاقات کے لیے سعودی عرب چلے گئے جب کہ یوکرین جنگ خاتمے پر روس امریکا بات چیت میں یوکرین کو مدعو نہیں کیا گیا۔ یوکرین کے مسئلے پرمذاکرات منگل کو سعودی دارالحکومت ریاض میں شروع ہونے کاامکان ہے۔