جو بائیڈن کا لاکھوں پبلک ورکروں کی سوشل سیکیورٹی ادائیگیاں بڑھانے کے لیے بل پر دستخط

 واشنگن(ویب ڈیسک) امریکی صدر جو بائیڈن نے ایک اہم قانون پر دستخط کیے ہیں جس کا مقصد لاکھوں پبلک ورکروں کے لیے سوشل سیکیورٹی ادائیگیوں میں اضافہ کرنا ہے۔

حکام کے مطابق  یہ بل اس بات کو یقینی بنائے گا کہ پبلک سیکٹر کے ملازمین، جن میں اساتذہ، پولیس اہلکار، اور دیگر سرکاری ملازمین شامل ہیں ان کو اپنی پینشن اور سوشل سیکیورٹی سے متعلق مزید مالی فائدے حاصل ہوں گے۔ یہ قدم امریکی حکومت کی جانب سے سماجی تحفظ کے نظام میں اصلاحات کے حصے کے طور پر اٹھایا گیا ہے جس کا مقصد ان افراد کی زندگیوں میں بہتر معیار زندگی لانا ہے جو عوامی خدمات کے لیے کام کرتے ہیں۔ بائیڈن نے اس بل کو ایک تاریخی قدم قرار دیا ہے جس سے کام کرنے والے افراد کو مالی تحفظ ملے گا۔ یہ قانون امریکی عوام کے لیے ایک مثبت پیش رفت کے طور پر دیکھا جا رہا ہے کیونکہ اس سے لاکھوں افراد کو معاشی تحفظ اور بھروسے کے ساتھ اپنی زندگی گزارنے میں مدد ملے گی۔