نیویارک(ویب ڈیسک) نیویارک سٹی میں صنفی بنیاد پر تشدد کے خلاف 16 روزہ مہم کا آغاز بھرپور سرگرمیوں کے ساتھ شروع کیا گیا ہے۔
اس مہم کا مقصد تشدد کے خاتمے کے لیے شعور اجاگر کرنا اور شہریوں کو فعال کردار ادا کرنے کی ترغیب دینا ہے۔ مہم کے دوران تربیتی سیشنز، وسائل کی نمائش، عوامی اجلاس، اور گلیوں میں ہراسانی کے مسئلے پر کھلی بات چیت شامل ہیں۔ ان سرگرمیوں میں کمیونٹی رہنماؤں، حکومتی عہدیداروں، اور عام شہریوں نے بڑی تعداد میں شرکت کی۔ حکام کے مطابق، یہ مہم متاثرین کی مدد، تشدد کی روک تھام، اور کمیونٹیز کو مضبوط بنانے کے لیے وسائل فراہم کرنے پر مرکوز ہے۔ عوامی اجلاسوں میں خواتین اور کمزور طبقات کی حفاظت کو یقینی بنانے کے لیے تجاویز پر بھی غور کیا گیا ہے۔ میئر ایڈمز نے اس موقع پر کہا کہ یہ مہم تشدد کے خاتمے کے لیے ایک اہم قدم ہے اور سب کو اپنی آواز بلند کرنی چاہیے۔ نیویارک سٹی حکومت نے اس دوران متعدد پروگراموں اور پالیسیوں کو نافذ کرنے کا بھی عندیہ دیا ہے جو صنفی انصاف کو فروغ دیں گی۔یہ مہم دنیا بھر میں ہونے والے 16 روزہ اقدامات کا حصہ ہے جو خواتین اور دیگر متاثرہ طبقات کے خلاف تشدد کے خاتمے کے لیے منعقد کی جاتی ہے۔