کوئنز کے سب وے اسٹیشن سے نکلتے وقت ایک شخص پر حملہ،اسرائیلی کارروائیوں کے خلاف احتجاج، 200 مظاہرین گرفتار
نیویارک(ویب ڈیسک)نیویارک سٹی کی ایک خاتون کو اپنے 4 سالہ بیٹے کی موت کے بعد گرفتار کیا گیا ہے۔ پولیس کے مطابق، خاتون نے 911 پر کال کی اور بتایا کہ اس کا بچہ بے ہوش ہے۔پولیس کی معلومات کے مطابق، جب افسران موقع پر پہنچے تو انہیں معلوم ہوا کہ بچہ شدید غذائی کمی کا شکار تھا، ہائپوتھرمی میں مبتلا تھا اور اس کے سینے پر جلنے کے نشانات موجود تھے۔ 26 سالہ نیٹاویہ ریگسڈیل پر مجرمانہ غفلت کی وجہ سے قتل اور بچوں کی فلاح و بہبود کے حوالے سے خطرہ لاحق کرنے کے الزامات عائد کیے گئے ہیں۔نیویارک سٹی کے بچوں کی خدمات کی انتظامیہ کے مطابق نیویارک سٹی کے بچوں کی حفاظت اور بہبود ہماری پہلی ترجیح ہے۔ ہم اس واقعے کی تحقیقات کر رہے ہیں۔کچھ ہمسایوں نے حیرت کا اظہار کیا کہ انہیں معلوم نہیں تھا کہ ریگسڈیل کے پاس ایک بچہ ہے۔ اس واقعے کے بعد، کمیونٹی کے رہنما ایئشہ سکو نے لوگوں کو مشورہ دیا کہ وہ اپنے ہمسایوں کی حالت زار کا خیال رکھیں اور بچوں کے بارے میں جانچ پڑتال کریں۔ واقعے کی تفصیلات اب بھی واضح نہیں ہیں، اور پولیس تحقیقات جاری رکھے ہوئے ہیں۔ علاوہ ازیں نیو یارک کے علاقے کوئنز کے سب وے اسٹیشن پر نامعلوم افرادایک شخص حملہ پرآور ہو گئےاورمار مار کر اسے لہو لہان کر دیا۔نیویارک سٹی میں، ایک 29 سالہ سوشی شیف، فردینینڈ سووانڈی، کو سب وے اسٹیشن سے نکلتے وقت بے ترتیب حملے کا نشانہ بنایا گیا۔ سووانڈی نے بتایا کہ میں صرف سیڑھیاں اتر رہا تھا اور اپنے فون پر نظر ڈال رہا تھا کہ اچانک مجھے ایک زوردار مکا لگا۔انہوں نے کہا کہ اس مکے کی وجہ سے وہ تقریباً ایک منٹ کے لیے بے ہوش ہو گئے۔ جب میں جاگا تو ارد گرد بہت سی چیزیں ہو رہی تھیں۔ میرے آس پاس لوگ، پولیس، اور ایمبولینس موجود تھے، سب مجھ سے پوچھ رہے تھے کہ کیا ہوا،سووانڈی کو ایلم ہرسٹ اسپتال لے جایا گیا، انہوں نے بتایا کہ وہ 7 ٹرین پر سوار تھے، منہٹن سے اپنی ملازمت کے بعد ووڈ سائیڈ، کوئنز جا رہے تھے۔ واقعہ اس وقت پیش آیا جب وہ 61ویں اسٹریٹ ووڈ سائیڈ اسٹیشن سے باہر نکلے۔پولیس مشتبہ شخص کی تلاش میں ہے، جو گلابی جیکٹ اور سیاہ جینز میں مفرور ہوا۔ سووانڈی اس حملے کی وجوہات پر سوال اٹھاتے ہوئے کہتے ہیں، کہ مجھے واقعی کوئی اندازہ نہیں، لیکن حالیہ خبریں ایشیائی اور یہودی لوگوں کے خلاف بڑھتے ہوئے جرائم کی لہر کی طرف اشارہ کر رہی ہیں۔مزید براں نیویارک اسٹاک ایکسچینج کے باہر غزہ میں اسرائیل کی جنگ کے خلاف مظاہرہ کرنے والے درجنوں مظاہرین کو پولیس نے گرفتار کر لیا۔نیویارک اسٹاک ایکسچینج کے باہر غزہ میں اسرائیلی کارروائیوں کے خلاف بڑے پیمانے پر احتجاج ہوا۔ پولیس کی ترجمان کے مطابق، تقریباً 200 مظاہرین کو گرفتار کیا گیا ہے، لیکن ان پر عائد الزامات کی تفصیلات نہیں بتائی گئیں۔زیادہ تر مظاہرین کا تعلق جیوئش وائس فار پیس نامی گروپ سے تھا، اور وہ لانگ لیو غزا کے نعرے لگا رہے تھے۔ ان کا مطالبہ تھا کہ امریکی حکومت اسرائیل کو ہتھیاروں کی فراہمی بند کرے اور غزہ میں جاری فلسطینیوں کے خلاف اسرائیلی کارروائیاں روکنے کے لیے اقدامات کرے۔مظاہرے کی آرگنائزر اور جیوئش وائس فار پیس کی سیاسی ڈائریکٹر، بیَتھ ملر نے کہا کہ اسرائیل امریکی ہتھیاروں کا استعمال کرتے ہوئے غزہ کی کمیونٹیز کو نشانہ بنا رہا ہے، جب کہ ہتھیار بنانے والی کمپنیوں کے اسٹاک کی قیمتیں بڑھ رہی ہیں، اور وال اسٹریٹ اس سے فائدہ اٹھا رہا ہے۔یہ احتجاج ایسے وقت میں ہوا جب حماس کے 7 اکتوبر کے حملے کی برسی کے بعد اسرائیل نے غزہ میں جوابی کارروائیاں تیز کر دی ہیں، جن کا دائرہ اب لبنان سمیت دیگر علاقوں تک پھیل چکا ہے۔ پیر کو اسرائیلی فضائی حملے میں شمالی لبنان کے ایک اپارٹمنٹ کو نشانہ بنایا گیا، جس سے کم از کم 21 افراد جاں بحق ہو گئے۔