جاپانی ہوائی اڈے پر دوسری جنگ عظیم کا امریکی بم پھٹنے سے پروازیں منسوخ

جاپانی حکام کا کہنا ہے کہ بدھ کو جنوب مغربی جاپان کے میازاکی ہوائی اڈے پر بم دھماکے کے وقت قریب کوئی طیارہ موجود نہیں تھا۔

جاپان: دوسری جنگ عظیم کا  امریکی بم جو ہوائی اڈے پر دفن تھا ۔آج بدھ کو زور دار دھماکے سے پھٹ گیا ۔خوش قسمتی سے کوئی جانی نقصان نہیں ہوا ۔جس سے ٹیکسی وے میں ایک بڑا گڑھا پڑ گیا اور 80 سے زائد پروازیں منسوخ ہو گئیں۔لینڈ اور ٹرانسپورٹ کی وزارت کے حکام نے بتایا کہ جنوب مغربی جاپان کے میازاکی ہوائی اڈے پر بم دھماکے کے وقت قریب کوئی طیارہ موجود نہیں تھا۔حکام نے بتایا کہ سیلف ڈیفنس فورسز اور پولیس کی تحقیقات میں اس بات کی تصدیق ہوئی ہے کہ دھماکا 500 پاؤنڈ کے امریکی بم سے ہوا اور مزید کوئی خطرہ نہیں تھا۔ وہ اس بات کا تعین کر رہے تھے کہ اس کے اچانک دھماکے کی وجہ کیا ہے۔جاپانی ٹیلی ویژن پر نشر ہونے والی ویڈیوز میں ٹیکسی وے میں مبینہ طور پر تقریباً 7 میٹر (گز) قطر اور 1 میٹر (3 فٹ) گہرا گڑھا دکھایا گیا ہے۔چیف کابینہ سکریٹری یوشیماسا حیاشی نے کہا کہ ہوائی اڈے پر 80 سے زیادہ پروازیں منسوخ کر دی گئی ہیں اور امید ہے کہ ہوائی اڈے سے جمعرات کی صبح دوبارہ آپریشن شروع ہو جائے گا۔