شہر میں مزید پناہ گاہوں کے قیام کی منصوبہ بندی کی جا رہی ہے،مئیر نیو یارک

نیو یارک سٹی کے مئیر ایرک ایڈمز کا  کہنا ہے کہ  ہم نے اب تک 36,000 سے زائد مہاجرین کو پناہ، خوراک اور دیگر ضروریات فراہم کی ہیں اور  مزید پناہ گاہوں کے قیام کی منصوبہ بندی کی جا رہی ہے۔نیو یارک سٹی کے میئر ایرک ایڈمز نے سی بی ایس ٹو کے  پروگرام دی پوائنٹ ود مارشیا کارمر  میں کئی اہم موضوعات پر بات کی۔ انہوں نے شہر میں جاری مہاجرین کے بحران اور اس کے لیے اٹھائے جانے والے اقدامات پر روشنی ڈالی۔ ایڈمز نے بتایا کہ شہر نے 36,000 سے زائد مہاجرین کو پناہ، خوراک اور دیگر ضروریات فراہم کی ہیں۔ ان کا کہنا تھا کہ شہر میں مزید پناہ گاہوں کے قیام کی منصوبہ بندی کی جا رہی ہے تاکہ اس بحران کا عارضی حل نکالا جا سکے۔ایڈمز نے نیو یارک کے مختلف علاقوں میں ملازمتوں کی دستیابی کے بارے میں بھی گفتگو کی اور کہا کہ وہ ریاست کے گورنر کے ساتھ مل کر ریاست کے دیگر علاقوں میں مہاجرین کو منتقل کرنے پر غور کر رہے ہیں جہاں ملازمتوں کی ضرورت ہے۔کونجیشن پرائسنگ کے حوالے سے، ایڈمز نے کہا کہ اس منصوبے پر مزید تحقیق کی ضرورت ہے تاکہ اس کے اثرات کو بہتر طور پر سمجھا جا سکے اور مقامی کمیونیٹیز پر منفی اثرات سے بچا جا سکے۔انہوں نے رائکرز آئی لینڈ جیل کے انتظامی معاملات پر بھی بات کی اور بتایا کہ ان کی انتظامیہ نے جیل میں بہتری کے اقدامات کیے ہیں، لیکن ابھی بھی کئی چیلنجز کا سامنا ہے۔