اسرائیلی فوج نے جبالیہ سے 3مغویوں کی لاشیں برآمد کرلی

اسرائیلی فوج  کے ترجمان نے جمعے کو جاری بیان میں کہا کہ فورسز نے شمالی غزہ کی پٹی کے جبالیہ میں رات بھر کی کارروائی میں تین مغویوں کی لاشیں برآمد کرلی ہیں۔جن میں اسرائیلی یرغمال چانان یابلونکا، برازیلی-اسرائیلی مشیل نیسن بام اور فرانسیسی میکسیکن اورین ہرنینڈز راڈوکس کی لاشیں شامل ہیں  جس کے بعد ان کے اہل خانہ کو فرانزک شناخت کے بعد مطلع کردیا گیا ہے۔42 سالہ یابلونکا اور 32 سالہ ہرنینڈز راڈوکس دونوں کو موسیقی کے ایک میلے سے اس وقت اغوا کیا گیا جب حماس کے عسکریت پسندوں نے 7 اکتوبر کو غزہ سے جنوبی اسرائیل پر دھاوا بول دیا تھا  جبکہ غزہ کے قریب اسرائیلی قصبے سڈروٹ کے رہائشی 59 سالہ نیسن بام سے اس وقت اغواء ہوئے جب وہ حملے کے دن اپنی پوتی کو لینے کے لیے سرحد پر واقع فوجی اڈے پر جاتے تھے۔