اقوام متحدہ کے سکریٹری جنرل انتونیو گوٹیرس نے اتوارکو قاہرہ میں کہا کہ قحط کے خطرے سے دوچار غزہ کو ضروری امداد پہنچانے کے لیے "اسرائیل کو رکاوٹوں اور چوکیوں کو ہٹانے کی ضرورت ہے۔”مصری وزیر خارجہ سامح شکری کے ساتھ ایک مشترکہ پریس کانفرنس کے دوران گوٹیرس نے "غزہ میں ڈراؤنے خواب سے بچنے کے لیے جدوجہد کرنے والے فلسطینی بچوں، عورتوں اور مردوں کی حالتِ زار کو دور کرنے کے لیے” فوری طور پر انسانی بنیادوں پر جنگ بندی کا مطالبہ دہرایا۔انہوں نے ہفتے کے روز غزہ کے ساتھ رفح بارڈر کراسنگ کا دورہ بھی کیا تھا جہاں تقریباً چھ ماہ کی جنگ اور محاصرے نے علاقے کے 2.4 ملین لوگوں کی اکثریت کو بے گھر کر دیا ہے اور اس کے شہری بنیادی ڈھانچے کو تباہ کر دیا ہے۔اقوام متحدہ کے سربراہ نے کہا کہ "غزہ کو دیکھ کر لگ بھگ ایسا لگتا ہے کہ جنگ، قحط، فتح اور موت کےسائے سرپر دوڑ رہے ہیں۔” انہوں نے مزید کہا، "پوری دنیا تسلیم کرتی ہے کہ بندوقوں کو خاموش کرنے اور فوری طور پر انسانی بنیادوں پر جنگ بندی کو یقینی بنانے کا وقت گزر چکا ہے۔”اسرائیلی حکومت غزہ میں بمباری اور زمینی کارروائی کو کم کرنے کے لیے بڑھتے ہوئے بین الاقوامی دباؤ کا شکار ہے۔
