نیویارک میں ساتویں لائف اسٹائل میڈیسن پروگرام شروع

میئر ایرک ایڈمز اور دیگر حکام نے ساؤتھ برونکس میں شہر کی ساتویں لائف اسٹائل میڈیسن سائٹ کا آغاز کیا۔یہ ایک ایسا اقدام ہے جو مریضوں کو ذیابیطس اور دل کی بیماری جیسی دائمی بیماریوں  کو روکنے میں مدد کرتا ہے۔پروگرام میں داخلہ لینے والوں کو مشاورتی سیشن سے لے کر ورزش کی کلاسوں تک ہر چیزکی رسائی حاصل ہوگی۔وہ تازہ خوراک کے لیے کوپن بھی حاصل کریں گے اور اہل ہونے پر فوڈ اسٹامپ کے فوائد سے منسلک ہو جائیں گے۔نئی سائٹ ہر ماہ 48 نئے مریضوں کو سہولیات فراہم کرے گی۔جبکہ سال شہر بھر میں تقریباً 4,000 مریضوں تک رسائی حاصل ہو گی۔ میئر ایرک ایڈمز کا کہنا تھا کہ یہ میرے لیے ذاتی معاملہ ہے۔ میں نے خود دیکھا ہے کہ کس طرح دائمی بیماری آپ کی زندگی کو اپنی لپیٹ میں لے سکتی ہے۔ میری والدہ پودوں پر مبنی خوراک اپنا کر اور طرز زندگی میں تبدیلیاں لا کر اپنی ٹائپ 2 ذیابیطس کو ختم کرنے میں کامیاب ہوئیں، جس سے میری اپنی جان بچانے میں بھی مدد ملی۔ گولیوں کے ڈبوں، نسخوں، انجیکشنز، اور مستقل طبی مسائل پر نیویارک کے لوگوں کی زندگیوں کا تعین کرنے والا عنصر نہیں ہونا چاہیے۔  ان کا مزید کہنا تھا کہ اب ساؤتھ برونکس اور پورے نیو یارک سٹی میں لوگوں کو ضروری دیکھ بھال تک رسائی حاصل ہوگی۔ نیو یارک سٹی ان طرز زندگی کے ادویاتی پروگراموں کو وسعت دے کرسب کے لیے ایک صحت مند اور زیادہ خوشحال مستقبل بنانے کے لیے مل کر کام کر کے قوم کے لیے ایک مثال قائم کر رہا ہے۔