جرمنی کے شہر اولم میں ایک پاکستانی ٹیکسی ڈرائیور فہیم الدین کو ایرانی ٹیکسی ڈرائیور نے گھر میں داخل ہوکر چھڑیوں کے بےدرپے وار کرکے قتل کردیا۔اس حملے میں مقتول کی بیوی اور ایک بیٹی شدید زخمی ہوئی ہیں ، جبکہ دوسری بیٹی نے بمشکل باہر بھاگ کر اپنی جان بچائی ۔ مقتول کی زخمی اہلیہ اور بیٹی دونوں ہسپتال میں داخل ہیں اور ان کی حالت تسلی بخش نہیں ہے ۔جنونی ایرانی ٹیکسی ڈرائیور بھی اسی عمارت میں ان کے پڑوس میں مقیم تھا۔ جھگڑے کی وجوہات ابھی سامنے نہیں آئیں ۔ مقتول کا تعلق کراچی سے تھا ۔ مقتول ٹیکسی ڈرائیور فہیم الدین کی نمازِ جنازہ ادا کردی گئی ہے جس میں پاکستانی قونصل جنرل زاہد حسین ،پاکستانی و ترکیہ کمیونٹی کی بڑی تعداد نے جنازہ میں شرکت کی اور قتل کے واقعہ پر اظہار افسوس کیا ۔اس موقع پر تعزیتی اظہار خیال کرتے ہوئے پاکستانی قونصل جنرل نے مقتول کی فیملی سے تعزیت کرتے ہوئے انہی ہرقسم کے تعاون کا یقین دلایا اور ساتھ ہی انہوں نے پاکستانی کمیونٹی کو یکجا رہنے اور آپس کے تعلقات بحال رکھنے پر زوردیا ۔