امریکی صدر جو بائیڈن نے سینیٹ کے رہنما چک شومر کی تقریر کی حمایت کا اظہار کیا جس میں اسرائیلی وزیر اعظم بنجمن نیتن یاہو پر کڑی تنقید کی گئی تھی اور اسرائیل میں قبل از وقت انتخابات کا مطالبہ کیا گیا تھا۔بائیڈن نے کہا کہ امریکی سیاسی نظام کے اعلیٰ ترین منتخب یہودی امریکی رکن نے اچھی تقریر کی۔انہوں نے کہا کہ میرے خیال میں انہوں نے نہ صرف ان کی طرف سے بلکہ بہت سے امریکیوں کی طرف سے مشترکہ تشویش کا اظہار کیا ہے۔نیتن یاہو کی لیکوڈ پارٹی نے امریکی سینیٹ کے رہنما کی جانب سے اسرائیل میں نئے انتخابات کرانے کے مطالبے کی مذمت کرتے ہوئے کہا ہے کہ امریکی اتحادی "بنانا ریپبلک نہیں ہے”۔
