بھارت کی ریاست کرناٹک کے شہر بنگلورو میں ریسٹورنٹ کے اندر ہونے والے زوردار دھماکے کی سی سی ٹی وی فوٹیج منظرِ عام پر آگئی۔بنگلورو کے معروف ریسٹورنٹ کے اندر اُس وقت دھماکا ہوا جب لوگوں کی بڑی تعداد موجود تھی۔ واقعے میں 9 افراد زخمی ہوئے۔ریسٹورنٹ میں لگے کیمرے کی فوٹیج میں دیکھا جا سکتا ہے کہ دھماکے کے بعد افراتفری مچ گئی جبکہ ریسٹورنٹ کے اندر کالا دھواں پھیل گیا۔کرناٹک کے وزیر اعلیٰ سدارامیا نے تصدیق کی ہے کہ یہ بارودی مواد کا دھماکا تھا۔ادھر، پولیس نے سدارامیا کو بریفنگ میں بتایا کہ نامعلوم شخص بارودی مواد سے بھرا ہوا بیگ ریسٹورنٹ میں چھوڑ کر فرار ہوا جس کے بعد دھماکا ہوا۔پولیس نے جائے وقوعہ سے شواہد اکٹھے کرنا شروع کر دیے جبکہ معاملے کی تحقیقات کا آغاز کر دیا۔
